Lun leverpostei fri for gluten og mjølkeprodukt

grov-leverpostei-uten-gluten-og-mjolk_1000God, gammaldags leverpostei med grov konsistens er eit av dei beste matminna mine frå barndommen. Det finnes ei råd for alle dei med glutenintoleranse eller mjølkeallergi som har lyst på denne delikatessa.

I mange klassiske leverpostei-oppskrifter er det obligatorisk å blande i ein kvit mjøl- og mjølkebasert saus i farsen. Dette gjer at mange med allergi og intoleranse ikkje kan nyte dette fabelaktige pålegget.

Men damene vi ala opp sommargris med sesongen 2016, veit råd. Turid er kokk og sjølv blant dei som må ta omsyn til kva ho et. Leverpostein du finn oppskrift på under, er tilpassa dei som mellom anna har glutenintoleranse (cøliaki) eller mjølkeallergi.

Den kvite sausen er med på å redusere den intense leversmaken som mange reagerer på. Men dersom du forveller svinelevra, det vil at du først gjev den eit raskt oppkok, før du kjøler den ned i iskaldt vatn, vil dette også mildne leversmaken.

For å få tilført nok væske, slik at leverposteien ikkje blir for tørr, bruker vi nedkokt kraft kokt på bein frå grisane våre. Eit alternativ er å gjere som dei danske brørne Price. Dei koker spekket ein halv times tid i 1,5 liter vatn, bruker ein del av kokevatnet til å spe med.

Uansett er denne oppskrifta fri for både kveitemjøl og mjølk. Og det fine er at den fint kan frysast ned i porsjonsformer og tinast opp når du vil bake fersk leverpostei til helgefrukosten eller når du har gjester å besøk.

Oppskrift på Turid sin glutenfrie leverpostei

  • Om lag to kilo svinelever
  • Om lag to kilo spekk (eller feit tynnribbe/sideflesk, eventuelt feit svinefarse)
  • 500 gram svinekraft
  • 20 ansjosfiletar
  • 300 gram løk
  • 80 gram salt
  • 8 gram peppar
  • 100 gram sukker
  • 8 gram malt ingefær
  • 2 gram allehande
  • Litt muskat
  • 7 egg

Fjern skalet og stilkfestet frå løken, og den i to, tre centimeter store bitar.

Opne boksen med ansjosfiletar, ta dei ut av laken og legg dei på ei liten tallerken. Ta vare på laken, den skal vere med å krydre leverposteien.

Fjern alle hinner (meir) frå levra og tørk den rein for blod. Del den i tre, fire centimeter store bitar.

Del spekket i eit par centimeter store bitar.

Kok opp to ulike kjelar (minst fem liter store) med om lag tre liter vatn i kvar kjele.

Blansjer leverbitane i den eine kjelen, helst litt og litt om gangen, i eit par minutt. Bruk ei holsleiv til å fiske opp bitane, før du har dei over i kaldt vatn. Etter ei lita stund tar du ut leverbitane, lar dei renne av seg i eit stort dørslag, før du tørkar dei lett med kjøkkenpapir.

Du oppnår to ting med å blansjere levra. For det første fjernar du ureineheitar frå levra. Men det viktigaste er kanskje at du gjer leversmaken mildare, utan å fjerne den umiskjennelege leversmaken heilt.

Gjenta den same prosedyren med spekket i den andre kjelen. Dersom du har feit svinefarse, hopper du over dette steget.

No er det tid for kverning. All levra og spekket – samt ansjosfiletane og den grovhakka løken – skal malast to gonger. Først med ei holskive med litt større hol (4-5 millimeter), deretter ei runde med ei skive med mindre hol (om lag 2 millimeter). Det er utan tvil ein stor fordel at levra og spekket er godt og kaldt når det skal kvernast. Legg det gjerne i fryseboksen eit kvarter før kverning.

Dersom du bruker feit svinefarse, blandar du denne i etter at levra er kverna to gonger.

Plasser ein store bolle under kverna. Send gjennom vekselvis lever og spekk. Når alt er køyrt ein gong kverna med større holskive, sender du alt saman igjennom ein gong til med den minste holskiva.

Du vil kunne oppleve at det er vanskeleg å kverna levra og spekket. I så fall må du opne opp kverna og fjerne bitar lever eller spekk som har sett seg fast. Det kan og vere lurt å kjøle ned lever og spekk igjen i fryseboksen før runde to med kverning.

Når all lever og spekk er malt, har du først i salt og laka frå ansjosfiletane og blandar godt i bollen, slik at farsen setter seg. Dersom du bruker svinefarse, skal den blandast med den kverna levra før saltinga. Ha deretter i egg og krydder, og arbeid farsen godt i hop – slik at all smakstilsetning og egg er godt fordelt.

Du kan godt fryse ned rå leverposteifarse i små former, og tine dei sakte eit døgn i kjøleskapet før du bakar den i vassbad.

Leverposteien skal bakast i vassbad på over- og undervarme i steikeomnen på 150 grader. Dersom du fordeler posteien i låge, små former, er det nok med ein times tid. Dersom du bruker brødformer, treng leverposteien nok om lag ein time og 45 minutt.

Dersom du er usikker på om posteien er ferdigsteikt, kan du stikke ein kniv i midten på posteien i ei av formene, og sjekke om det kjem opp blodraud væske. I så fall treng den litt lenger tid i vassbadet.

Server leverposteien lun, gjerne med litt sprøsteikt bacon av god kvalitet.

(Visited 298 times, 1 visits today)

Legg att eit svar

Epostadressa di blir ikkje synleg. Påkravde felt er merka *