Saftig grillspyd med kyllingbryst

Grillspyd med kyllingbryst-paprika-koriander-soyasaus-asiaitisk marinade_1000Eg kan ikkje huske kyllingbryst frå barndommen min. Kylling blei selt ferdig grilla heil eller i lårstykke på Samvirkelaget, og kyllingbrysta på den heilgrilla kyllingen var tørr og trevlete. Det var før eg oppdaga grillspyd med små bitar av kyllingbryst.

Sonen min elskar grilla kyllingbryst. Han tar tak i grillspydet i kvar ende med hendene og setter tennene i dei – som om han var urmennesket som akkurat har oppdaga av det rå kyllingkjøttet han mista ned i bålet smakar fantastisk mykje betre grilla. Det varmar hjartet til ein amatørpappa på grillkjøkkenet.

Norge har blitt ein nasjon av kyllingetarar. Kosthaldsråda ber oss velje kvitt kjøtt, i verste fall svin. I følgje Opplysningskontoret for kjøtt et vi 17,5 kilo kvitt kjøtt (kylling eller kalkun) i året. Far min er sånn passe glad i kylling, og eter til nød kyllinglår. Eg er og mest glad i dei delane med bein inni.

Kyllingen er mager, den blir lett tørrsteikt, slik kyllingbrysta frå barndommen min (og kanskje din?). Men dersom del blir delt i passe tjukke biter, og steikt med fingerspitzengefühl, er kyllingbrystet framifrå. Men då snakkar eg ikkje om frosne råvarer sprøyta fulle av vatn og salt. Du kan for så vidt tine frosne kyllingbryst sakte  kjøleskap i eit par døgn, men sjekk pakningen om den inneheld anna enn brystkjøtt frå kyllingen.

Kyllingproduksjonen er omstridt. Den enorme etterspurnaden har ført til ein  svær vekst lingindustrien. Økologisk kylling eller kylling frå frittgåande dyr er normalt større (og ein del dyrare), men av betre kvalitet. På Far min sitt kjøkken har vi og eigne kyllingar som får eit godt liv så lenge dei er blant oss, men det er ei anna historie…

Oppskrift på grillspyd med kyllingbryst med paprika i asiatisk marinade

(nok til seks personar)

  • Fire store kyllingbryst (eller seks små)
  • To store skeier soyasaus
  • Ei (eller to) store skeier søt chilisaus (sweet chili sauce), elt etter kor sterk du liker retten
  • Ei stor skei østersaus (oyster sauce)
  • Safta frå ein lime
  • Eit stor skei (eller to) med sesamfrø
  • Ei halv teskei peppar
  • Nokre dråpar sesamolje
  • Ein stor rød paprika

Eit par store skeier med nøytral matolje som tåler høg varme, for eksempel mais- eller soyaolje

Eventuelt litt salt

Fire lange grillspyd av bambus

Du kan lage klar marinaden og la kyllingen marinere i kjøleskapet over natta. Du bør kyllingen minst la ligge eit par timar i marinade.

Bland saman alle sausane, limesaft og peppar i ein bolle eller ein (heilt rein) 4- eller 6-liters pose.

Tørk av kyllingbrysta med kjøkkenpapir, og del dei opp i tre, fire centimeter store terningar. Ha kyllingen oppi marinaden.

Legge grillspyda i kaldt vatn minst ein halv time før grilling, og fyr opp grillen.

Del opp paprikaen i tre, fire centimeter store ruter og legg dei til side.

Sett eit dørslag over ein bolle og ha i kyllingbitane. La kjøttet renne av seg mestaparten av marinaden. Tre kyllingbitane inn på bambusspyda, og tre inn på paprikabitar inni mellom. Denne jobben er litt grisete, men vask hendene etter enda økt.

Legg all spyda på ein stor tallerken når kyllingen og paprikaen er tredd på. Pensle dei med mais- eller soyaolje.

Dersom du vil servere ris og salat til retten, gjer du klar dette før du startar grillinga.

Kyllingspyda skal steikast på ganske høg og direkte grillvarme. Men eg ville styrt unna eingongsgrillen. Det bør vere ein markant avstand mellom varmen og grillspyda.

Legg på spyda på grillrista, og steik dei til kjøttet på sida ned mot varmen er brunt (men ikkje svidd). Snu spyda forsiktig, og steik på andre sida til den er gyllen brun. Pass på at all kyllingoverflate er utsett for direkte varme. Kyllingen skal ikkje vere rå, men heller ikkje tørrgrilla. Stikk ein spiss kniv forsiktig inn i kyllingkjøttet. Kjem det ut klar væske, er kyllingen klar. Pensle kyllingspyda med litt sesamolje rett før servering, og ha eventuelt på ein liten skvett soyasaus.

(Visited 358 times, 1 visits today)

Legg att eit svar

Epostadressa di blir ikkje synleg. Påkravde felt er merka *