Far min sitt kjøkken hadde aldri sett dagens lys utan far min – og andre fedrar og mødrer som har samla opp og delt kunnskap om konservering av mat. No har far min gått ut av tida. Vi som er igjen får ta arbeidet med å føre tradisjonane vidare.
På våre turar sørover til Spania har vi ete sørgjeleg mange smaklause albóndigas. Men dei spanske kjøttbollane kan og vere ei smaksbombe, med ein saus som treng mykje brød til for å gjere deg full nytte av.
Steinsoppen er ikkje overraskande favoritten til kokkar og gourmetar. Kiloprisen er høg for den som ikkje tar turen i skogen og plukkar sin eigen. Tørkar og knuser du steinsoppen til finmala pulver, har du ein smaksforsterkar nesten utan sidestykke.
Stikkordet er umami-smaken, kjend som de femte grunnsmaken – i tillegg til salt, søtt, bittert og syrleg.
Photo by Morten Rakke
Far min sitt kjøkken er sjeldan i rampelyset. Men Dagbladet si nettutgåve har vore på besøk og intervjua oss om det vi steller med her på tunet, som ofte handlar om salting, speking, røyking og graving. Under finn du lenke til artikkelen.
Ei brennande interesse for mat, mattradisjonar og gode råvarer kan fort utløyse både lyst til å drive med eigne dyr og/eller komme seg på jakt. Tilbodet om å komme seg på introduksjonsjakt har faktisk aldri vore betre. Bli med Far min sitt kjøkken jakt etter hjorten på vakre Svanøy.
Røykte reker er rasande godt, men sjeldan kost på norske middagsbord. I nabolanda er dette klassisk sommarmat, ein sjømat-luksus som er prisa langt over kokte reker. Men det er ingen ting i vegen for å røyke rekene sjølv – gjerne på ein grill du har god kontroll på.
Høner er kjenslevare dyr. Men installerer du dei i eit eigna hønsehus, med fin luftegard, kan du glede deg over heimeproduserte egg året rundt. Dessutan får du gratis plenstuss og gjødsel om du lar dei gå fritt i hagen i blant.
Våren er tida for å ale opp kyllingar som seinare kan bli til høner og haner. Vegen til hobbybonde og eggprodusent er faktisk ikkje så bratt som ein kan tru, så lenge du lyttar til erfarne fjørfefolk.
Pasta er ei genial oppfinning med få ingrediensar. Ravioli fylt med ei blanding av egg, spinat, ricotta og parmesan er det perfekte følgjet. Med litt trening blir du pastasjef på eige kjøkken.
Om det ikkje blir høne på deg, kan du alltids gå for hanen. Det gjeld å vere resultatorientert når du skal diske opp med hønsefrikassé. Fugl med litt tid på baken gjev den aller beste smaken.