Kongekrabben er både ei ulukke og ei velsigning for kysten vår, men den er gull verdt for alle vi som er glade i unike råvarer frå havet. Aller best er den naturell, med ganske lite smaksfølgje.
Krabbande ulukke og velsigning
Svar
Kategoriarkiv: Skaldyr
Med cruisekontroll i krabbekakeland
Visste du at det finns nesten bortimot 7.000 krabbeartar rundt om på kloden vår? Med så stort mangfald, er det ikkje rart sjølv ein så enkel rett som krabbekaker kan resultere i hundrevis av oppskrifter. Men enkelte er betre enn andre…
Blåskjell på den sikre måten
Far min et ikkje blåskjell (Mytilus edulis), sjølv om han nærast vassa i dei i oppveksten. Det har han nok sine grunnar til. Men det er vanskeleg å seie nei til blåskjell kokt i urtesmør med spinat når blåskjellvarselet lyser grønt.
Hjertelindring med hjerteskjell
Enkelte rettar er så enkle, likevel så himmelske, at dei må delast med nokon du er glad i. Namnet hjerteskjell innbyr til romantikk, men smaken av kvitvinsdampa hjerteskjell kan vel så gjerne løyse opp i praten mellom gode, gamle venner. Ta høgde for mykje lysteleg stønning undervegs…
Askeladdferd i fryseboksen
Eg fann, eg fann! Jøss, ligger det fire krabbeskjell fylt til randen med krabbekjøtt i fryseboksen? OK, då er det garantert tid for krabbekaker.
Syrleg fiskesuppe med selskap frå setra
Den ferdiglagde maten rundt oss gjev oss få og små utfordringar for smaksløkane. Sødmen er ofte matvareindustrien sin valde middelveg, og gjer at vi heilt frå barndommen av til dels mister føling med heile vårt flotte smaksregister. Denne syrlege fiskesuppa – med eit nesten usunt følgje av smør og kremfløyte frå setra – er ei handsrekning til den som vi la seg utfordre.
Hummar med blomkålkrem og bondebønner
For far min finns det knapt noko flottare å by sine eigne ungar enn sjølvfiska hummar. Men ettersom «kardinalen frå havet» er ein så sjeldan gjest sjølv for oss langs kysten, må det bli eit festmåltid når ein først får den i teina – helst hummar servert med blomkålkrem og bondebønner.
Krabbe i godt selskap
Krabbesesongen på hausten er kort og intens for mange av oss. Og denne ettertrakta råvara er utan tvil aller best heilt fersk og litt lunka. Nedfrysing blir sjeldan så bra som ein skulle ønske. Men dersom du har nokre hundre gram krabbekjøtt på lur, er denne enkle retten med krabbe på ein brødbit fin å ha i bakhand.
Ein vinnar av ein veslebror
Toppen på rikdom er for mange å kunne sette til livs så mykje hummar du vil utan å merke det i lommeboka. Men den som kjenner sjøkrepsen, vil sjeldan bytte den ut for storebror, havets kardinal. Spesielt ikkje når den ligg på grillen ein fabelaktig sommardag.
Kvardagsflukt med fiskesuppe på blåskjelltokt
Av og til lurer eg på kvifor eg orker å reinskjere fiskerestane og koke kraft, etter å ha baksa med fiskegarn og sløying i timevis mellom regndråpar og myggsvermar. Men når du endeleg sit der og smattar på ei krema fiskesuppe med smakleg drahjelp frå ferske blåskjell, får alle ømme musklar ro.