Flatpakka fiskeglede utan stress

Av ein eller anna grunn er folk her til lands ein godt innebygd redsle for å stelle i stand fiskemåltid som ikkje er avslutta i lettsalta vatn. Tar du sjansen på å steike ein heil piggvar eller anna flatfisk i omnen, kurerer du all framtidig skrekk.

Fiskehandlaren min i Vestfold, Morten på fiskemottaket på Hvasser, har bakgrunn som kokk. Han minna meg på ein metode eg brukte ein del før. Nemleg å pakke store deler av fiskemåltidet inn i folie, og la middagen godgjere seg mens du koser deg med gjestane.

Slageren her til lands er å gjere dette med laks eller ørret. Men ein av dei utallige flatfiskane som enten blir fiska eller dretta opp her til lands er minst like godt.

Med høg varme i steikeomnen kjem matlaginga raskt i gang, og undervegs blir fisken bakt mjuk og saftig. Inni pakka er det tett, og fisken blir stima av kvitvin og eigen væske. Piggvar og liknande flatfisk er dessutan velsigna med eit skjellett midt i fisken, så det er enkelt å skilje fiskekjøtt frå bein. Perfekt for småtroll som elles kan vere skeptisk til fisk.

Heilsteikt piggvar med rotgrønsaker i oksefløytesaus og poteter

Nok til om lag seks personar

  • Om lag to kilos heil piggvar, kveite eller anna flatfisk
  • 1 dl kvitvin
  • ½ sitron
  • 1 liten neve persille
  • Salt og peppar

Sett steikeomnen på 250 grader på program for over- og undervarme

Fjern gjellene og anna uønska innmat. Kjøper du fisken i butikken, er den allereie fjerna. Skrap skinnet godt med den sløve sida av ein kniv, skyll godt under kaldt vatn og tørk av med kjøkkenpapir.

Vask skallet til sitronen, skjær den i tynne skiver og del dei over på midten.

Dekk botnen på det djupaste omsbrettet med tre lag aluminiumsfolie – nok til å dekke over fisken etterpå. Hell over kvitvinen, og dryss salt og peppar i botnen.

Skjær fire, fem djupe snitt på den tjukkaste delen på oversida av fisken. Legg fisken oppi omsbrettet med folie. Dryss over salt og peppar. Stikk sitronskivene nedi snitta i fisken. Dryss over grovhakka persille.

Pakk godt rundt fisken, og sjå etter at pakken er tett, slik at kvitvin og kraft ikkje siver ut. Steik fisken i om lag 30-35 minutt på 250 grader over- og undervarme

I mellomtida lager du til poteter, grønsaker og saus:

  • 1 kilo amandine- eller mandelpoteter

Kok potetene i lettsalta vatn til dei er møte. Franske amadine-poteter, som er dyre, men heilt himmelske på smak. treng berre eit kvarter. Hell av kokevatnet, og la dei gjerne svalne. Del dei over på langs. Potetene steiker du opp i steikepanna rett før fisken er
klar i litt god matolje.

  • 3 store gulrøter
  • 250 gram selleri
  • 150 gram persillerot
  • 100 gram sukkererter
  • 2-3 ss oliven- eller rapsolje
  • Salt og peppar

Skrell rotgrønsakene, og del dei og sukkerertene i halvannan centimeter store biter.

Steik grønsakene i steikepakka på middel varme til dei er møre. Det tar 15-20 minutt.

  • 2,5 dl okse- eller kyllingkraft ( for eksempel frå Jacobs)
  • 2 dl kremfløyte
  • Salt og peppar

Hell kraft og kremfløyte i ein kjele, og la sausen koke ned til den tjukner. Smak til med salt og peppar.

Etter ein halvtimes tid tar du fisken og av steikeomnen. La den kvile i fem minutt før du serverer den. Her er det like greitt å plassere hovudingrediensen midt på bordet, slik at gjestane kan nyte den gode aromaen frå fisken når du opnar pakka med piggvar.

Server med grønsaker, poteter og saus.

(Visited 115 times, 1 visits today)

One thought on “Flatpakka fiskeglede utan stress

  1. Pingback: Mat og drikke | Matpakke

Legg att eit svar

Epostadressa di blir ikkje synleg. Påkravde felt er merka *

Denne nettstaden brukar Akismet for å redusere søppelpost. Lær korleis kommentarane din vert handsama.