Nedi ein kjellar i ei bakgate i Barcelona fant vi denne enkle retten basert på vår eigen råvare klippfisken. Tynnskårne skiver av utvatna bacalao i selskap med svarte oliven, god olivenolje, sitron og persille.
Akkurat når sommaren gjer sitt inntog her til lands, er to av våre beste råvarer klare til å utfylle kvarandre i ein enkel, men genialt god rett. Ferske asparges med tynne skiver av fenalår og gjerne litt geitost og god olje er akkurat så enkelt å diske opp som mat skal vere når sola står høgt og varmar godt.
Dei fleste rynker på nasa, men drar likevel motvillig med seg svinedyr indrefilet frå kjøledisken når grillbiffen skal handlast inn. Grillsesongen er jo så alt for kort. Men sanninga er at grillinga knapt kjenner årstider, og at entrecoten er langt rimeligare, saftigare og minst like god å grille.
Her til lands har vi eldgamle tradisjonar for å varmebehandle kjøtt langsamt. Derfor er det nesten heilt uforståeleg at nordmenn flest insisterer på å kremere pølser og anna snadder på grillen i den varmaste årstida.
Dei fleste av oss som sorglaus har vandra gjennom våren og sommaren lettkledd og sokkelaus, har brent seg på den tilsynelatande uskuldige brennesla. Smerta er intens. Men hemnen er både søt og ikkje minst uhyre velsmakande og sunn dersom du koker suppe på rakkaren.
Kunnskap er makt. Derfor bør alle med ambisjonar på kjøkkenet lærer seg å koke kraft. Det er første steget på vegen mot det fullkomment velsmakande.
Ball, komle, kams, klot, klubb, kompe, krumme, potetball, raspeball eller raspekake. Det verkar som omtrent kvar einaste fjordarm langs kysten har gjeve desse klumpane av mjøl og poteter sitt eige namn. Truleg av rein kjærleik.
Ein gong i tida, då eg var ung, fantes omtrent berre ein type iskrem, nemleg vaniljeis. Å lage sin eigen heilt frå botnen av er ei einaste lang reise tilbake til barndommen.
Kombinasjonen appelsin og sjokolade har nærast blitt ein heilag del av påska. Denne desserten kombinerer dei to smakane, men kan med hell serverast når som helst på året.
Så der står vi då på hytta, utan komfyr, men med eit par enkle kokeplater. Lammesteika som skulle steikast sakte og lenge i omnen verkar som ein fjern draum. Sjølve påskemiddagen er i ferd med å hamne på viddene. Men vent, går det ikkje an å surre den i gryta og la litt væske sørgje for varmefordelinga?