Langs kysten ender dei aller fleste lammeribbene opp som pinnekjøtt – eller ribbe, som vi seier på Far min sitt kjøkken. Men lammribba er ein seriøst god konkurrent til spareribs, om du er klar for det.
Det er kanskje forunderleg for mange at den vesle strandkrabben kan utløyse debattar om liv og død. Men det er altså ikkje berre berre å koke kraft på småkrabben, og servere den til gjestane sine.
Betasuppe, ertesuppe, knokesuppe, småsuppe og småmat. Born som blir elska får mange namn. Men smaken er alltid intenst god, kraftig frå takka vere det salte, røykte kjøttet og mild takka vere ferske rotgrønsaker.
Den tradisjonelle, norske grønsakshagen er kanskje ikkje den mest fargerike. Men rødbeten fargelegg alt rundt seg dersom den får vere med på festen. Lite slår ein bulgur- eller couscous-salat lagd på fersk rødbet, med litt sting av syrleg eple, rødløk og ruccola.
Sommar og haust siger makrellen inn i fjordane og gjev tallause små og store hobbyfiskarar eit blaff av fiskelukke. Makrellkjøttet taper seg fort i den varmaste årstida, men du forlenger lukkekjensla ved å salte og deretter kaldrøyke eller varmrøyke fisken.
Eg kan ikkje skryte av så mykje i livet. Men den første gongen eg lett nervøs serverte ein heimelagd mojito til ein kubansk skodespelar – som faktisk har festa ilag med Hemingway – gjekk det overraskande bra. Kanskje var han berre høfleg, men han bad om meir…
Heldig er den som kan grave fram eigne nypoteter frå kjøkkenhagen, skjære opp tynne skiver frå heimelagd fenalår og piske samen ei eggerøre frå frittgåande høner frå nabolaget. Sommarmiddagen blir ikkje stort betre enn du gjer den til.
Frå vindauget på hytta ser vi rett ned på naustet og staden der ørreten sig forbi langs fjorden kvar sommar. Vegen frå sjø til grill er ekstremt kort. Lukka er å nyte heilgrilla ørret med ein småfrekk pepperrotkrem ved stuebordet mens blikket fell ned på sjøen som gjev oss nok ei matauk.
På Far min sitt kjøkken er smaken av sommar på sitt beste når den heimelagde pastaen får følgje av ein saus lagd på skalldyr, sjømat og enkle smakar. Pasta marianara er svaret på dine bønner om perfekt sommarmat – også når vinteren har sett inn.
Så enkelt, og så komplisert. Å lage pasta handlar om å blande saman to ingrediensar – finsikta mjøl og egg – og lage ei smidig deig. Men sjølv enkle prosessar krev det vi kanskje har minst overskot av i kvardagen, tid og omsorg.